Монголын оюутны спортын VI наадам энэ сарын 15-25-нд Улаанбаатар хотноо болно. Монголын оюутны спортын холбоо, наадмын зохион байгуулах хороо болон их дээд сургуулийн төлөөлөл хэвлэлийн бага хурал зохион байгуулж наадмын талаарх дэлгэрэнгүй мэдээллийг өглөө.

Энэ удаагийн наадамд 34 их дээд сургуулийн 2,400 гаруй оюутан тамирчид спортын 10 төрлөөр өрсөлдөх гэнэ. Мөн энэхүү наадмын жүдо, сагсан бөмбөгийн төрлүүдэд үндэсний шигшээ багийн тамирчдын 70 гаруй хувь оролцоно гэсэн судалгаа гарчээ.

Наадмын бэлгэдлийг зөвхөн Монгол улсад байдаг "Мазаалай" баавгайг сонгосон байна. Тэд мазаалайг хайрлаж хамгаалах, тоо толгойг нэмэгдүүлэхэд нийгмийн анхаарлыг хандуулж байгаа нь оюутны спортын наадмаар дамжуулж нөлөөллийн ажил болж буй гэнэ.