Өнөөдөр ихэнх нутгаар солигдмол үүлтэй. Өдөртөө баруун аймгуудын нутгийн зарим газар, төвийн аймгуудын нутгийн баруун хойд хэсгээр, шөнөдөө баруун аймгуудын нутгийн баруун, говийн аймгуудын нутгийн зүүн, төвийн аймгуудын нутгийн зарим газраар,  бороо, нойтон цас орно. Бусад нутгаар хур тунадас орохгүй.

Салхи ихэнх нутгаар баруун өмнөөс секундэд 6-11 метр, өдөртөө Алтайн уулархаг нутаг болон говийн бүс нутгаар секундэд 13-15 метр хүрч ширүүснэ. 

Энэ сарын 9-нд буюу өчигдөр Улаанбаатар хот болон Баянхонгор, Говьсүмбэр, Дорноговь, Өвөрхангай, Хөвсгөл, Хэнтий аймгуудын нутгаар бороо, хур тунадас оржээ.