"Эмийн үнийн өсөлтийн шалтгаан, нөхцөлийг хянан шалгах" түр хорооноос "Эмийн хүртээмж, үнэ, чанарын асуудал" сэдвийн хүрээнд энэ сарын 15-17-нд нээлттэй сонсгол зохион байгуулахаар боллоо. 

Түр хороо ажиллах хугацаанд давхардсан тоогоор 1,164 төрийн байгууллага, албан тушаалтнаас 6,183 нотлох баримтын хүрээнд 153,200 хуудас бүхий цаасан нотлох баримт, 84,692 файл нотлох баримт зэргийг гаргуулан авчээ.  

Сонсголд Эрүүл мэндийн сайд, Эрүүл мэндийн яамны холбогдох албан тушаалтнууд, эм эмнэлгийн хэрэгслийн хяналт зохицуулалтын газар, Гаалийн ерөнхий газар, Худалдан авах ажиллагааны газар, Нийслэлийн эрүүл мэндийн газар зэрэг байгууллагуудын төлөөлөл давхардсан тоогоор нийт 150 гаруй албан тушаалтныг гэрчээр сонсголд дуудаж, мэдэгдэх хуудсыг хүргүүлжээ.