"Миний" дэлгүүр, агуулахад өнөөдөр гал гарч онцгой байдлын нэг албан хаагч амь насаа алдсан. Уг асуудлын талаар Онцгой байдлын газраас дараах мэдээллийг өглөө. 

Нас барсан албан хаагч нь онцгой байдлын албанд 20 гаруй жил ажилласан. Мөн бага насны таван хүүхэдтэй аж. Хэвлэлийн хурлын үеэр ар гэрийн зүгээс "нас барсан албан хаагч өмнө нь түлэгдэж байсан ба хоёр жилийн хугацаанд чөлөө аваад эргээд ажилдаа орсон. Тэтгэвэртээ гарах өргөдлөө өнгөрөгч оны есдүгээр сард өгсөн" гэх мэдээллийг өглөө.  

Онцгой байдлын албаны удирдлагын зүгээс алба хаагчийн ар гэрийн төлөөлөлтэй уулзсан байна.

Галын шалтгааныг тодруулахаар мэргэжлийн байгууллагын ажиллагаа эхэлсэн байна.  Эмнэлэгт хүргэгдсэн бусад албан хаагчдын эрүүл мэнд хэвийн байгаа гэнэ.