Цагдаагийн дөрвөн алба хаагчид, 13 настай охиныг хүчирхийлсэн гэх хэрэг олны анхаарлыг татаад байгаа. Уг хэргийн талаар ЦЕГ-ын Дотоод хяналт аюулгүй байдлын хэлтсээс мэдээлэл өглөө. 

Цагдаагийн хурандаа Н.Мишигдорж "Цагдаагийн алба хаагчид нийлж насанд хүрээгүй охинтой бэлгийн харьцаанд орсон байж болзошгүй хэргийг шалгаж байна. Хэрэгт холбогдсон дөрвөн алба хаагчийг ажлаас нь түдгэлзүүлэн шалгаж эхэлсэн. Хохирогч болон хэрэгт холбогдон шалгагдаж байгаа алба хаагчдын хувийн чанартай мэдээллийг өгөх боломжгүй. Одоо дөнгөж өргөдөл гомдлын шатанд явж байна. Цаашид энэ хэргийн талаар прокурорын байгууллагын зөвшөөрсөн хэмжээнд мэдээлэл өгөөд явна" гэлээ.