Аргал оруулж ирнэ гээд сураггүй болсон хүүхдийг эрэн хайж байна. Хэргийг тодруулбал Булган аймгийн Бүрэгхангай сумын нутагт энэ сарын 1-нд буюу өчигдөр 15 настай эрэгтэй хүүхэд гэрийн гаднаас аргал оруулж ирнэ гээд сураггүй болсон дуудлага оройн 19:00 цагт иржээ. 

Дуудлагын дагуу Аймгийн Онцгой байдлын газрын Эрэн хайх, аврах салбарын алба хаагчид, Бүрэгхангай сумын сум дундын Цагдаагийн тасгийн алба хаагчид, мэргэжлийн анги, ар гэрийнхэнтэй хамтран  иргэн хүүхдийг эрэн хайх ажиллагааг 19:30 цагаас эхлэн зохион байгуулан ажиллаж байна. Хүүхэд тус сумын Дэрст багийн "Нарийны-Ам" гэдэг газраас алга болсон ба аймгийн төвөөс зүүн урд зүгт 110 км, сумын төвөөс зүүн зүгт 40 км-т байршилтай газар гэнэ.