"FIBA 3x3 Asian Cup 2024" тэмцээн Сингапур улсад амжилттай болж өндөрлөлөө. Энэхүү тэмцээнд манай улсын эрэгтэй, эмэгтэй шигшээ баг оролцож хүрэл медалийн эзэд болсон. Мөн тус тэмцээний  эмэгтэй, эрэгтэй шилдэг гарааны бүрэлдэхүүнд Монгол улсын шигшээ багийн тоглогчид А.Ананд, Б.Ариунцэцэг нар багтжээ. 

А.Анандын хувьд хүрэл медалийн төлөөх Шинэ Зеландын эсрэг тоглолтод багийнхаа 21 онооны 15-ыг нь ганцаараа авч багаа ялалтад хүргэсэн. 

Эмэгтэйчүүдийн ангилалд Австралийн Алекс Уилсон, Шинэ Зеландын Шарне Пупуке Робати, Монголын Б.Ариунцэцэг нар бэлгэдлийн багт нэрлэгдсэн. Б.Ариунцэцэгийн хувьд хүрэл медалийн төлөөх тоглолтод 10 оноо авч багаа хожид хөтөлсөн юм.