Уурхайн компанийн автобус ачааны машинтай мөргөлдсөн осол өнөөдөр өглөө гарсан. Ослын улмаас нэг хүн газар дээрээ нас барсан. Осолд өртсөн хүнд болон хүндэвтэр гэмтсэн иргэд Төв аймгийн нэгдсэн эмнэлэгт анхны тусламж авчээ.

Ослын улмаас хүнд гэмтэл авсан таван хүнийг Улаанбаатар хот руу тээвэрлэж эхэлсэн байна. Маш хүнд гэсэн заалттай нэг иргэн одоо Гэмтэл согог судлалын үндэсний төвд хагалгаанд орж байгаа аж. Хүндэвтэр гэмтэл авсан 10 гаруй иргэн тухайн уул уурхайн компанийн машинаар гэмтлийн эмнэлэг рүү хүргэгдэж байгаа гэнэ. 

Автобус Улаанбаатар хотоос Өмнөговь аймгийн чиглэлд зорчин явсан ба Дундговь аймгийн нутагт ачааны машинтай мөргөлджээ. Цагдаагийн байгууллагаас өгсөн мэдээллээр хоёр иргэн амь насаа алдаж,  автобусанд зорчиж явсан 22 иргэн гэмтсэн байна.