Гуравдугаар сарын 20-ны байдлаар зургаан аймгийн 20 сум төмөр зудын, 16 аймгийн 85 сум цагаан зудтай байна. Мал сүргийн зүй бус хорогдлын мэдээгээр улсын хэмжээнд 5.9 сая толгой мал хорогджээ. Энэ нь нийт мал сүргийн 9.2 хувийг эзэлж байгаа юм.

Хаваржилтын нөхцөл байдал хүндэрсэн үед малчдадаа туслах зорилгоор аж ахуй нэгж байгууллага, иргэд олон улсын байгууллагууд хандив өгч эхлээд байгаа. Одоогийн байдлаар бэлэн мөнгө 3.5 тэрбум төгрөг мөн 888 сая төгрөгийн бараа материал цуглаад байгаа гэнэ. Бараа материалыг малчдад цаг алдалгүй хүргэхээр ажиллаж байгаа бол дансанд цугласан мөнгийг зарцуулж эхлээгүй байгаа аж.