Дорноговь аймгийн Сайншанд сумаас бага насны хүүхдийг такси үйлчилгээнд явж байгаа мэтээр хууран мэхэлж машиндаа суулган хүчээр авч явж хүчиндэн, улмаар гэмт хэргээ нуун далдлах зорилгоор амь насыг нь хохироосон өнгөрөгч оны 10 дугаар сард гарсан. Уг хэргийг Г.Гантулга гэх этгээд үйлдсэн бөгөөд түүнд холбогдох шүүх хурал өнөөдөр Дорноговь аймаг дахь сум дундын эрүүгийн хэргийн анхан шатны шүүхэд болно. 

Бага насны охиныг хөнөөсөн Г.Гантулгад прокурорын байгууллагаас Эрүүгийн хуулийн 13.2 дугаар зүйлийн 2.1 /Хүн хулгайлах/, 12.1 дүгээр зүйлийн 4 /Хүчиндэх/, 10.1 дүгээр зүйлийн 2.1, 2.4, 2.7 /Хүнийг алах/-д зааснаар яллах дүгнэлт үйлдэн шүүхэд шилжүүлсэн билээ.