Улсын Онцгой комиссын Шуурхай штабаас 21 аймгийн Онцгой комисстой цахим хурал хийж, мал амьтны сэг зэм устгах ажиллагааны нэгдсэн төлөвлөлтийг танилцууллаа. Мөн Мал эмнэлгийн ерөнхий газар,  Хөдөлмөр нийгмийн хамгааллын яам зэрэг байгууллагын төлөөлөл сэг зэм устгахтай холбоотой халдвар хамгааллын дэглэмийг мөрдөн ажиллах талаар мэдээлэл өгсөн байна. 

Улсын хэмжээнд энэ  сарын 25-ны  байдлаар 5.2 сая толгой мал хорогдоод байна. Аймгуудаар ангилж үзвэл Сүхбаатар аймагт хамгийн олон буюу 1.4 сая толгой мал хорогдоод байна. Улсын хэмжээнд өнөөдрийн байдлаар 380 малчин өрхийн бүх мал хорогдоод байгаа юм.