Москва хотын ойролцоох алдартай концертын газарт халдлага гарч 137 хүн амь үрэгдсэн. Мөн халдлагад өртөж шархадсан 100 гаруй хүний биеийн байдал маш хүнд байгаа.  Нас барсан 137 хүнээс 62 хохирогчийг олж тогтоосон ба үлдсэн хохирогчдыг олж тогтоохоор генетикийн шинжилгээ хийж байгаа гэнэ. 

ОХУ-ын албаны хүмүүс болон төрийн хэвлэл мэдээллийнхэн уг халдлагын ард Украин байгаа гэж таамаглаж байгаа. Харин Украины тал энэ хэрэгт ямар ч холбоогүй гэдгээ мэдэгдээд байгаа юм. 

Уг хэрэгт буруутгагдаж байгаа 11 хүнийг баривчилсан бөгөөд дөрвөн хүн нь ОХУ-д амьдардаг цагаач иргэд байжээ. Мөн тэдгээр хүмүүст  террорист  ажиллагаа үйлдсэн хэмээн буруутгаж, тэдэнд бүх насаар нь хорих ял оноосон талаар орон нутгийн хэвлэл мэдээллийн хэрэгслээр мэдээллэсэн.