"CS2" тоглоомын анхны Мэйжор тэмцээн Данийн Копенхаген хотноо үргэлжилж байна. Энэхүү тэмцээнд Монгол Улсын төлөөлөл "The Mongolz" баг өнгөрөгч шөнө Round3 тоглолтоо ОХУ-ын "AMKAL" багтай хийж 2:1 харьцаагаар ялалт байгууллаа. Ингэснээр манай баг нэг ялалт, хоёр ялагдалтай болж тэмцээнээ цааш үргэлжлүүлэх боломжтой болсон. 

Өнөөдөр орой 20:00 цагаас хасагдах шатанд БНХАУ-ын "Lynn Vision" багтай тоглоно. "The Mongolz", "Lynn Vision" хоёр багийн хувьд өмнө хэд хэдэн удаа таарч тоглосон. Хоёр багууд 2022 оноос хойш долоон удаа таарч тоглосноос "The Mongolz" баг дөрвөн удаад нь ялалт байгуулээ. Тэр дундаа сүүлийн гурван тоглолтод манай баг "Lynn Vision" багийг буулгаж авсан.