Монгол Улсын Их Хурлын 2024 оны хаврын ээлжит чуулганы нээлт өнөөдөр болно. Хаврын чуулганы хуралдаанаар Ерөнхий сайд мэдээлэл хийх бөгөөд Эдийн засгийн хамтын ажиллагаа, хөгжлийн байгууллагаас зохион байгуулдаг Суралцагчийн сурлагын амжилтыг үнэлэх олон улсын “PISA-2022” үнэлгээний Монгол Улсын үр дүн, бодлогын зөвлөмжийн талаар танилцуулах гэнэ. 

Чуулганаар Үндэсний аюулгүй байдлын зөвлөлийн мэдээллийг хаалттай байдлаар танилцуулах юм. 

Бусад хэлэлцэх асуудлууд

“Аймаг, нийслэл, сум, дүүргийн иргэдийн Төлөөлөгчдийн Хурлын 2024 оны ээлжит сонгуулийг товлон зарлах, санал авах өдрийг тогтоох тухай” Улсын Их Хурлын тогтоолын төсөл

 “Аймаг, нийслэл, сум, дүүргийн иргэдийн Төлөөлөгчдийн Хурлын 2024 оны ээлжит сонгуульд техник хэрэгсэл хэрэглэх тухай” Улсын Их Хурлын тогтоолын төсөл