Монгол Улсын шүүхийн 2023 оны шүүн таслах ажиллагааны нэгдсэн дүн мэдээлэл гарсан байна.

Монгол Улсын хэмжээнд үйл ажиллагаа явуулж байгаа 117 шүүхийн 524 шүүгч 2023 онд нийтдээ 113, 284 хэрэг маргааныг хянан шийдвэрлэсэн байна. Үүнээс өмнөх онтой харьцуулахад

• эрүүгийн хэрэг 1,6 хувиар
• зөрчлийн хэрэг 8,1 хувиар буурчээ.

Харин

• иргэний хэрэг 9,1
• захиргааны хэрэг 11,5 хувиар өссөн дүн мэдээ гарчээ.

Харин өмнөх жил буюу 2022 онд 512 шүүгчийн бүрэлдэхүүнтэй нийтдээ 105 мянга гаруй хэрэг маргааныг хянан шийдвэрлэсэн байна. Энэ нь 2023 онд 12 мянга гаруйгаар өссөн дүнг харуулж байна.

Шүүхийн ерөнхий зөвлөлийн үндсэн чиг үүргийн хүрээнд шүүхийн тухай хуулийг хэрэгжүүлэх хүрээнд хуульчдаас шүүгчдийг шилж сонгох ажлыг зохион байгуулдаг. 2021 оны 12 дугаар сараас хойш өнөөдрийг хүртэл нийт 6 удаагийн шүүгчийн сонгон шалгаруулалтын шалгалт явуулж нэр дэвшигчдийг тодруулсан. Энэ хугацаанд нийт 98 нэр дэвшигчийг МУ-ын ерөнхийлөгчид өргөн барьснаас  87 шүүгч тангаргаа өргөн ажлаа хийж байна.

Дээрх хугацаанд мөн нийтдээ 37 шүүгч өндөр насны тэтгэвэрт гарсан байна. МУ-ын их хурлын 2016 оны тогтоолоор МУ-н хэмжээнд 117 шүүхийн хэмжээнд 699 шүүгч ажиллах учиртай. Гэвч хүний нөөцийн дутагдалтай байгаа учраас өнөөдрийн байдлаар 524 шүүгч  ажиллаж байна. Хөдөө Аж Ахуйн Их Сургуулийн багш нарын судалгааны багаас 2022-2023 онд явуулсан судалгаагаар шүүгчдийн зохист ачаалал 278 хувь хүртэл хэтэрсэн гэсэн мэдээлэл гарсан байна.