Өнгөрсөн сарын 16-ны өдөр шоронд нас барсан ОХУ-ын сөрөг хүчний удирдагч Алексей Навальныйг оршуулах ёслол өнөөдөр Москва хотод болж байна.

Түүний гэргий Юлия Навальнаяа лхагва гарагт оршуулах ёслолын товыг олон нийтэд зарласан ч нөхрөө амар тайван оршуулж чадах эсэхэд эргэлзэж буйгаа хэлсэн юм.

Учир нь оршуулах ёслолд оролцохоор ирсэн иргэдийг цагдаа нар баривчилж болзошгүйд санаа зовж байгаа гэв.

Оршуулах ёслол Москва хотын зүүн өмнөд хэсэгт орших Марьино дүүргийн нэгэн сүмд болох бөгөөд ёслол дууссаны дараа Борисовын оршуулгын газарт нутаглуулах аж.

Илүү олон хүний багтаамжтай ёслолын танхимд хийх боломжтой байсан ч Кремлиэс уг боломжийг нь хааж боогдуулсан хэмээн Навальныйгийн хамтрагчид үзэж байна.

Кремлийн зүгээс Алексей Навальныйгийн үхэлд ямар ч хамааралгүй гэдгээ удаа дараа мэдэгдсэн.

Навальныйг хэт даврагч байгууллагыг үүсгэн байгуулж, санхүүжүүлсэн хэргээр 19 жилийн хорих ялаар шийтгэж, Оросын хамгийн чанга дэглэмтэй шоронгийн нэгд шилжүүлэн хорьж байсан юм.

Эх сурвалж: Aljazeera