Байшинд гал гарч 64 настай иргэн өртөж нас баржээ. Хэргийг тодруулбал Төв аймгийн Зуунмод суманд байшингийн дээвэр шатаж байна гэсэн дуудлага иржээ. 

Дуудлагын дагуу аймгийн Онцгой байдлын газрын Гал түймэр унтраах, аврах 24 дүгээр ангийн алба хаагчдыг очиход иргэн И-ын 9х8 метрийн хэмжээтэй байшин, үүдний амбаарын хамт шатаж байсан байна. Тус гал түймэрт өртөж нас барсан иргэний  цогцсыг аймгийн Цагдаагийн газарт шилжүүлэн өгчээ.

Иргэд та бүхэн ахуйн гал түймэрт өртөхөөс урьдчилан сэргийлж цахилгааны аюулгүй байдлыг хангах, орон гэртээ галлагаа хийсэн үед харгалзах хүнтэй байхыг мэргэжлийн байгууллагаас анхааруулж байна.