Зудын нөхцөл байдал үүсэж өвөлжилт, хаваржилт хүндэрсэнтэй холбогдуулан ЕБС-ийн сурагчдын ээлжит амралтын хуваарьт өөрчлөлт оруулах саналыг Засгийн газрын хуралдаанаар авч хэлэлцлээ. 

Хаврын нөхцөл байдал хүндэрч байгаа сумдын сургуулийн нөхцөл байдлыг харгалзан үзэж тухайн сумын Засаг даргын саналыг үндэслэн аймгийн Засаг дарга нар зохицуулалт хийх эрхийг өгсөн байна. 

Улаанбаатар хот болон аймгийн төвийн сургуулийн хуваарьт өөрчлөлт орохгүй. Нөхцөл байдал хүндэрсэн сумын Засаг даргын саналыг үндэслэн аймгийн Засаг дарга нар сурагчдын амралтын хугацааг өөрчлөх, сунгах эрхтэй болж байгаа юм.  Гэхдээ БШУЯ-ны Сайдаас зөвшөөрөл авсны дараа уг шийдвэрийг гаргах гэнэ.