Зудын нөхцөл байдал хүндэрч гамшгийн хэмжээнд хүрээд байгаа. Зуданд нэрвэгдсэн малчдад дэмжлэг үзүүлэх аян энэ сарын 20-нд эхэлсэн. Үндэсний хэмжээний томоохон аж ахуй нэгж, албан байгууллага, хувь хүн, олон улсын байгууллагууд хүртэл нэгдэж байгаа. 

"Петровис" групп нийгмийн хариуцлагын хүрээнд зудын гамшигтай тэмцэхэд 500 сая төгрөгийн шатахууны эрх хандивласан байна. Тус групп 2300 гаруй ажилтантай, хамгийн өргөн сүлжээтэй, нийгмийн хариуцлагын хүрээнд алслагдсан сум сууринд ч шатахуун түгээх станцаа байршуулан ажилладаг юм. Өнөөдрийн байдлаар Улсын онцгой комисст 1.3 тэрбум төгрөгийн мөнгөн хандив, 560 орчим сая төгрөгийн бараа, материалын хандив цугларсан байна.