УОК-ын Шуурхай штабаас Сүхбаатар, Дорнод, Төв аймгийн Онцгой комиссын гишүүдтэй цахим хурал хийсэн байна. Тухайн аймгуудад үүссэн зудын гамшгийн нөхцөл байдал хүнд байгаатай холбогдуулан Зэвсэгт хүчний 11 ангийн  200 гаруй хугацаат цэргийн алба хаагч,  21 тээврийн хэрэгсэлтэйгээр ажиллана.

Цэргийн алба хаагчид тухайн орон нутгийн  хүн хүч багатай малчин өрхүүдэд тусалж, зуданд хорогдсон, цасанд дарагдсан малын сэг зэмийг цэвэрлэж, шар усны аюулаас урьдчилан сэргийлэх арга хэмжээг авч ажиллах гэнэ. Тиймээс цэргийн алба хаагчдын малчны хотонд очих аюулгүй байдлыг хангах, ажлын багаж хэрэгслээр хангаж ажиллахыг аймгийн Онцгой комисст үүрэг болгосон байна.