Өвөлжилт хүндэрч зудын нөхцөл байдал нийт нутгийг хамарч өндөржүүлсэн бэлэн байдал зарласан. Үүний дагуу УОК-оос холбогдох мэдээллийг өдөр бүр өгч ажиллаж байгаа. 

Өнөөдрийн мэдээлэлд ХХААХҮЯ-аас зохион байгуулж байгаа үйл ажиллагааны талаар дэд сайд М.Ганхүлэг оролцож дараах мэдээллийг өглөө. 

М.Ганхүлэг "Өвөлжилт хүндэрсэн нутгуудад ажлын хэсгүүд ажиллалаа. Улсын нөөц болон аймгийн нөөцийг хүргэх ажил байгаа. Тэжээлийн улаан буудайг өвөлжилт хүндэрсэн мөсөн болон цагаан зудтай сумуудад хуваарилах ажил хийгдэж байна. Мөсөн зудтай сумдад 150 тн, цагаан зудтай сумдад 70 тн-ыг хуваарилсан. Аймгууд гэрээгээ хийгээд улаанбуудайн татан авалтаа эхэлсэн" гэлээ. 

Зудын нөхцөл байдлын улмаас малаа их хэмжэээгээр алдсан иргэдэд Хөдөлмөр хамгааллын яам болон УОК-ын ажлын хэсэг хамтраад малжуулах зэрэг дараагийн шатны арга хэмжээг хийхээр төлөвлөж Засгийн газарт танилцуулахаар бэлдэж байгаа гэнэ. 

Одоогийн байдлаар улсын хэмжээнд 2,136,563 толгой мал зүй бусаар хорогджээ. Үүнээс Сүхбаатар аймаг 713 мянган толгой мал хорогдоод байна.