МУГТ  Э.Цэндбаатар мэргэжлийн боксын ес дэхь тулаанаа энэ сарын 29-нд хийхээр болсон. Манай тамирчин жиндээ амжилттай орсон талаарх мэдээллээ цахим хуудаснаа нийтэлсэн байна. 

Манай тамирчины хувьд мэргэжлийн найман тулаан хийж нэг ч ялагдал амсаагүй яваа. Түүний өрсөлдөгч нь Канад иргэншилтэй тулаанч Мохамед Сумаоро. Мохамедын хувьд 1992 онд төрсөн өдгөө 31 настай. Мэргэжлийн боксын замналдаа 16 тулаан хийж хоёр ялагдсан. 14-н ялалтын зургааг нь хүнд цохилтоор унагажээ. Мохамедын хувьд сүүлчийн тулаандаа ялагдал хүлээгээд байгаа. 

Манай тамирчин 163 см,  61,2 кг жинтэй байгаа. Өрсөлдөгчийн хувьд 170 см, 63,4 кг жинтэй байна.