Кино Урлагийн дээд сургуулийн захирал Ж.Солонго оюутнаа зодож байгаа бичлэг энэ сарын 20-нд олон нийтийн сүлжээнд тавигдсан. Уг асуудлын дагуу цагдаагийн байгууллагаас  зөрчил шалган шийдвэрлэх ажиллагааг явуулж захирал Ж.Солонгод Зөрчлийн тухай хуулийн 5.3 дугаар зүйлийн нэг дэх хэсэгт зааснаар 100 нэгж буюу 100.000 мянган төгрөгөөр торгожээ. 

Ж.Солонго нь өнгөрөгч оны гуравдугаар сард оюутнаа зодож байгаа бичлэг мөн цахим орчинд нийтлэгдэж байсан. Түүний дагуу цагдаагийн байгууллагаас түүнийг шалгаж байсан. Ж.Солонго нь Орос-Монголын хамтарсан сургуулийн захирал асан Ж.Соронзонгийн төрсөн ах юм.