Олон нийтийн цахим сүлжээгээр тал ууттай малын тэжээл өгсөн гэх агуулгатай зураг цацагдсан. Уг асуудалд УОК-ын нарийн бичгийн дарга, хурандаа Т.Баярхүү, “Тал шуудайтай өвс, тэжээл айл өрхүүдэд тарааж байна” гэх ташаа мэдээлэл цахим орчинд тархсан. Энэ бол ор үндэсгүй худал мэдээлэл гэдгийг албан ёсоор мэдэгдмээр байна. Улсын нөөцөөс гарч байгаа хивэг тэжээл ОХУ-д үйлдвэрлэгдсэн. Монгол хаяг шошготой тэжээлүүд улсын нөөцөөс өгч байгаа тэжээл биш" гэлээ. 

Монгол Улсын Засгийн газар, УОК-иос хаваржилтын эрсдэлийг бууруулах чиглэлээр авч хэрэгжүүлж байгаа ажлуудын талаар буруу ташаа мэдээлэл өгч, улстөржүүлэх хандлага байна. Зуд бол байгалийн гамшиг. Үүний цаана олон айлын амьдрал, хувь заяаны асуудал яригдаж байгаа учраас гамшгийн эсрэг үйл ажиллагааг улстөржүүлэхгүй байхыг хүсэж байгаагаа илэрхийлэв.