Волейболын мэргэжлийн клубуудын 2024 оны аварга шалгаруулах "Хобби Кап" тэмцээн маргааш эхэлнэ. Энэ жилийн клубуудын аварга шалгаруулах тэмцээний эмэгтэй төрөлд ОХУ-ын "Локомотив" баг оролцохоор болсон байна. 

Энэ жилийн тэмцээний шүүлтэд анх удаа гадны шүүгч оролцож байгаа.  Тэмцээнийг Олон Улсын болон Азийн Волейболын холбооны зэрэглэлтэй шүүгч Мухаммад Фати Ахмад шүүн явуулна. Азийн аварга шалгаруулах тэмцээн, Азийн клубуудын аварга шалгаруулах тэмцээн зэрэг Азийн Волейболын Холбооны томоохон тэмцээнүүдэд сүүлийн 10 гаруй жилийн хугацаанд тогтвортой ажиллаж байгаа өндөр түвшний шүүгч юм.