Цаг агаарын мэдээллээр өнөөдөр Өвөрхангай аймгийн нийт нутгийг хамарсан цасан шуурга болж байгаа. Арвайхээр-Баянхонгор А0302 дугаартай чиглэл, Улаанбаатар-Арвайхээр А0301 чиглэлтэй авто замуудад явган шуурга шуурч, үзэгдэх орчин хязгаарлагдмал байна. Зорчих хэсэгт цасан бүрхүүл тогтож, халтиргаа гулгаа үүсэж байгаа тул жолооч та бүхэн тээврийн хэрэгслийн хурдыг тохируулж хөдөлгөөнд оролцоно уу. 

Өнөөдрийн цасан шуурга аймгийн зүүн болон хойд хэсгээр салхины хурд 12-16 м/с, зарим үед 20-24 м/с хүртэл ширүүснэ. Нутгийн өмнөд хэсгээр буюу Баруунбаян-Улаан, Төгрөг, Гучин-Ус, Богд сумын нутгаар цасан болон шороон шуурга шуурна.