Ховд аймгийн Алтай сумын Барлаг багийн "Хөх дэл" гэх газар оршин суух малчин 53 настай М нь 2024.02.16-ны 20:00 орчимд малдаа яваад, эхнэр 50 настай О нь нөхрөө тосох гэж араас нь яваад сураггүй алга болжээ.

Тус сумын Барлаг багийн засаг дарга н.Муушараар ахлуулсан 6 ажилтан 1 авто машинтай 00:00 цагт гарч 80км замыг туулан очиж эрлийн ажиллагааг эхлүүлэн 10:40 цагт Хөх дэл гэх газраас нөхөр М-ийг эсэн мэнд олсон бол эхнэр О-г үргэлжлүүлэн хайж байгаа аж.

Нэмэлтээр 2024.02.18-ны өдөр Ховд аймгийн Булган сум дахь Гал түймэр унтраах аврах 38 дугаар ангийн 2 алба хаагч, цагдаагаас 1 алба хаагч, ар гэрээс 1 иргэн нийт 4 хүн 1 автомашинтай 13:15 цагт эрэн хайхаар гарчээ.

Эх сурвалж: Khovd.mn