Монголын сагсан бөмбөгийн эрэгтэй шигшээ багийн бүрэлдэхүүн зарлагдаж бэлтгэлдээ гарсан байна. Шигшээ багийн ахлагчаар Б.Билгүүн сонгогдсон байна. Шигшээ багийн бүрэлдэхүүнээс дурдвал энэ жилийн MVP М.Өлзий-Орших, А.Ананд, О.Энхбаатар, Г.Ган-Эрдэнэ, А.Азбаяр, О.Эрдэнэцогт тэргүүтэй тоглогчид багтаад байгаа. Харин Т.Санчир, Д.Дэлгэрням, Э.Дөлгөөн нар багтсангүй. 

Манай шигшээ багийн хувьд 2025 оны Ази тивийн аварга шалгаруулах урьдчилсан шатны тэмцээний С хэсэгт Япон, БНХАУ, Гуам улсуудтай багтсан. Энэ сарын 22-нд БНХАУ-ын шигшээ багтай Шиан хотод тоглох бол түүний дараа 25-нд Гуам Улсын шигшээ багтай эх орондоо тоглох юм.