АНУ-ын нэгдүгээр сарын инфляцын үзүүлэлт шинжээчдийн таамгаас өндөр гарсны дараа дэлхийн хэмжээнд бондуудын уналт эрчимжлээ.

Өөрөөр хэлбэл 12 дугаар сараас хойш үргэлжилсэн олон улсын бондуудын өсөлтийг АНУ-ын инфляцын мэдээ цэглэв.

Түүнчлэн “Bloomberg”-ийн дэлхийн нийт бондын индекс энэ жил 3.5 хувиар буурч, 12 дугаар сарын 12-ноос хойших өсөлтөө алдаад байна.

АНУ-ын оны эхний сарын хэрэглээний үнийн индекс шинжээчдийн таамгаас давснаар арилжаалагчид бодлогын хүүг эрт бууруулах хүлээлтээ багасгаж, долоодугаар сараас  бууруулах алхам эхлэх болов уу гэж харж байна.

Мөн “TD Securities”-ийн Ахлах стратегич “Үнийн дарамт нэмэгдэж эхлэх бодитой эрсдэл байна. Энэ тохиолдолд Холбооны Нөөцийн банк бодлогын хүүг бууруулах боломжгүй. Ингэснээр бондын уналт үргэлжлэх нөхцөл байдал бий болно” гэж мэдэгдсэн юм.