Сар шинийн баярын үеэр Хөвсгөл аймгийн Цагаан-Үүр сумын нутагт орших Даян дээрхийн агуйг иргэд олноор зорьж очдог. Ингэхдээ Эрдэнэбулган сум, Үүрийн голоор гаталж явах нь олонтаа. Харин энэ жилийн тухайд Үүрийн гол хэврэг, мөс нимгэн байгаа учир аялагчдын машин голд цөмрөх эрсдэл их байна.

Тухайлбал, энэ сарын 12-нд Даяндээрх чиглэлд зорчиж явсан орон нутгийн тээврийн хэрэгсэл Үүрийн голоор гарах гэж байгаад цөмөрсөн байна. Тухайн машиныг сумаас техник гаргаж, аюулгүй байдалд оруулжээ.

Сум орон нутгийн зүгээс Даян дээрхийг зорьж буй иргэдийг Цагаан-Үүр талаасаа явах маршрут сонгохыг зөвлөж байна.