UbCab онлайн такси үйлчилгээг үүсгэн байгуулагч, гүйцэтгэх захирал Н.Отгонбаяр бизнесээсээ гарахаар шийдвэрлэжээ. Тэрбээр энэ тухай цахим хуудсаараа дамжуулан олон нийтэд мэдээлсэн байна. Түүний мэдээллийг бүрэн эхээр нь хүргэе.

Тэрбээр "Миний бие UBCab - Онлайн такси үйлчилгээ хэмээх нэрээрээ овоглогдож UBCab Отгоо хэмээн нэрлэгдэх хүртэл зүтгэсэн энэ аяллаа дуусгах шийдвэр гаргаж байна. Сүүлийн үед UBCab тай маань холбоотой үйлчилгээний чанар, үнэ тариф гээд олон асуудал гарах болсон нь гүйцэтгэх удирдлагын хариуцлагатай шууд холбоотой хэмээн үзэж байна.

Өнөөдрийн 40,000+ жолоочтой 900,000 хэрэглэгчтэй системийг цаашид илүү цаг заваа зориулж чадах хүнд үлдээж хүлгийн жолоо дээрээс гараа авч байна. Хүний амьдрал богинохон хийж бүтээх зүйл их тул аливаад төвлөрөл чухал тиймээс малчдын UBCab гэж хэлж болох ENomad төсөлдөө төвлөрөн ажиллаж малчдын нэгдэл байгуулах ажилдаа ханцуй шамлан орохоор шийдлээ" гэжээ.