Zarig.mn сайтын эрхлэгч, сэтгүүлч Н.Өнөрцэцэгт авсан цагдан хориог өөрчлөх хүсэлт бүхий шүүх хурал Сүхбаатар дүүргийн Эрүүгийн хэргийн анхан шатны шүүхэд болж шийдвэрээ танилцууллаа. Түүний цагдан хорих шийдвэрийг шүүх өөрчилж хэргийг гадуур шалгахаар болсон байна. Сэтгүүлч Н.Өнөрцэцэг 68 хоног цагдан хоригдсоны эцэст өнөөдөр суллагдаж байна. 

Тус дүүргийн шүүхээс цагдан хорихыг, таслан сэргийлэх арга хэмжээний хугацааг сунгах тухай Нийслэлийн Прокурорын газраас ирүүлсэн гэх тус саналыг үндэслэн түүнийг цагдан хорих таслан сэргийлэх арга хэмжээг хоёрдугаар сарын 04-ний өдрөөс эхлэн нэг сарын хугацаатай сунгаад байсан юм.