Дорнод аймаг, Баянтүмэн сум Цагаандэрс багийн “Цагдаагийн пост” гэх газар Баянтүмэн сумаас Хэрлэн сумын чиглэлд зорчиж явсан суудлын автомашин, ачааны автомашины хойд талаас мөргөсний улмаас автомашины жолооч бүхээг дотроо хавчуулагдан нас барсан баржээ.  Хамт зорчиж явсан эмэгтэйг эсэн мэнд гарган эмнэлэгийн байгууллагад хүргүүлсэн байна. 

Мөн Дорноговь аймгийн төвөөс урд зүгт  180 км-т, Улаанбаатар хотоос Замын-Үүд сумын чиглэлд зорчиж явсан суудлын автомашин, ачааны автомашины хойд талаас мөргөсөн осол гарсан байна. Суудлын автомашины жолооч болон хамт зорчиж явсан зорчигч нарыг эсэн мэнд гаргаж эмнэлэгт хүргүүлжээ. 

Иймд орон нутгийн замд зорчихдоо тээврийн хэрэгслийн аюулгүй байдлыг хангаж зорчих, анхаарал болгоомжтой зорчихыг цагдаагийн байгууллагаас анхааруулж байна.