NBA-ийн бүх оддын тоглолтод сэлгээнээс оролцох тамирчдын нэрс өнөөдөр тодорлоо. Өрнөд бүсийг Леброн Жэймс ахалж Кевин Дурант, Лука Дончич, Никола Иокич, Шей Гилджес-Александер нар гарааны бүрэлдэхүүнд гарна. Сэлгээний бүрэлдэхүүнд Дэвин Бүүкер, Стэфэн Карри, Антони Дэвис, Антони Эдвардс, Пол Жорж, Кавай Леонард, Карл-Энтони-Таунс нар багтлаа. 

Дорнод бүсийн хувьд Яаннис Антетокоунмпо багаа ахалж Жоел Эмбийд, Дамиан Лиллард, Джейсон Тейтум, Тайрез Халибертон нар гараанд шалгараад байгаа. Сэлгээнд Бэм Адебайо, Паоло Банкеро, Жэйлн Браун, Жэйлн Брансон, Тайрус Макси, Донован Митчелл, Жулейс Рандл нар сонгогдлоо. 

NBA-ийн 73 дахь удаагийн бүх оддын тоглолт манай цагаар хоёрдугаар сарын 19-нд Индианаполис дахь Gainbridge Fieldhouse-д болно.  Бүх оддын тоглолт TNT сувгаар шууд цацагдаж, дэлхийн 200 гаруй улс орон албан ёсны эрхтэйгээр шууд дамжуулах аж.