Дезерет олон улсын байгуулага Сүхбаатар аймгийн иргэдийн эрүүл мэндийн сайн сайханд зориулж 108 сая төгрөгийн хөрөнгө оруулалтаар аймгийн нэгдсэн эмнэлгийн мэс заслын тасгийн хагалгааны хэсгийг иж бүрэн тохижуулж, нэн шаардлагатай тоног төхөөрөмжөөр хангаж өгчээ.

Өнөөдөр Сүхбаатар аймгийн засаг дарга М.Идэрбат мэс заслын бүрэн тоноглогдсон өрөөг хүлээн авч, хөрөнгө оруулалтын гэрээнд гарын үсэг зурлаа.

Засаг дарга М.Идэрбат “Дезерет” олон улсын байгууллагын хамт олонд орон нутгийн эрүүл мэндийн салбарын хөгжилд үлэмж хувь нэмэр оруулсанд ард иргэдийнхээ өмнөөс талархал илэрхийлж цаашид бусад салбарт хамтран ажиллах эхлэл тавигдсан гэдгийг онцолж байлаа. 

Энэ үеэр Нэгдсэн эмнэлгийн мэс заслын тасгийн их эмч П.Ариунаа “Орон нутагтаа мэс заслын төлөвлөгөөт болон төлөвлөгөөт бус хагалгааг хугацаа алдалгүй хийх боломж бүрдэж байна” хэмээв. 

Дезерет олон улсын байгууллага нь 1992 оноос хойш Монгол улсад тасралтгүй үйл ажиллагаагаа явуулж байгаа бөгөөд Сүхбаатар аймагтай хамтран ажиллаж буй эхний ажил нь аж.