"Нүүрсний" гэх хэрэгт яллагдагчаар татагдаад байсан УИХ-ын гишүүн асан Т.Аюурсайхан, "Эрдэнэс Тавантолгой" ХК-ийн гүйцэтгэх захирал асан Б.Ганхуяг нарын 11 хүнд холбогдох шүүх хурал болж шийдвэрээ танилцуулжээ. Эрүүгийн хэргийн анхан шатны шүүхээс, Т.Аюурсайханд гурван жил, "Эрдэнэс Тавантолгой" ХК-ийн гүйцэтгэх захирал асан Б.Ганхуягт таван жил есөн сар хорих ял оноож, нийтийн албанд томилогдох эрхийг нь долоон жилээр хассан байна. 

Хэрэгт холбогдогч нарын зүгээс анхан шатны шүүхийн шийдвэртэй санал нийлэхгүй байгаа бол давж заалдах шатны шүүхэд ажлын 14 хоногт багтаан гуравдагч этгээд, төлөөлөгч эсвэл өмгөөлөгчөөр дамжуулан гомдол гаргах бүрэн эрхтэй юм.