Авлигатай тэмцэх газраас Монгол Улсад борлуулж байгаа эмийн чанар, зөвшөөрөл олгосон процесс, үнэ үнэлгээ нь зах зээлийн бодит нөхцөл, байдал, хууль тогтоомжид нийцэж байгаа эсэхийг хянан үзэж, мөрдөн шалгах ажиллагаа явуулж байна.

Энэ хүрээнд зарим нэр, төрлийн эмийн найрлага дахь бодис нь байх ёстой хэмжээндээ хүрэхгүй байх нөхцөл тогтоогджээ. Эм нь хүний амь нас, эрүүл мэндэд шууд холбоотой учраас авлигын эрсдэлээс ангид байх ёстой.

Хэрвээ танд эмийн шинжилгээ, зөвшөөрөл, импорт, борлуулалтын явцад үйлдэгдсэн авлигын талаарх мэдээлэл байгаа бол АТГ-ын цахим хуудас руу нэвтрэн “мессеж” хэсэгт мэдээлэл өгөх болон 110 тусгай дугаарт холбогдох боломжтой.

Эх сурвалж: АТГ