Дугаарын хязгаарлалтын захирамж энэ сараар дуусгавар болж байгаа. Хариун Замын хөдөлгөөний удирдлагын төв, Тээврийн цагдаагийн албанаас автомашины улсын дугаарын тэгш, сондгойгоор хөдөлгөөнд оролцуулах дугаарын хязгаарлалтыг сунгах хүсэлт ирүүлсний дагуу олон нийтээс санал авч байна. Өнөөдрийн 09:50 цагийн байдлаар санал асуулгад 2683 иргэн оролцож 60 хувь нь дэмжихгүй, 40 хувь нь дэмжиж байгаа гэдгээ илэрхийлжээ. Санал асуулга энэ сарын 31-ийг дуустал авч олон нийтийн саналыг үндэслэн шийдвэр гаргах гэнэ. 

Иргэд та бүхэн www.ulaanbaatar.mn цахим хуудасны “Санал асуулга” цэсээр болон  https://vote.ulaanbaatar.mn/home цахим хуудсаар  нэвтэрч “Дан” систем болон гар утасныхаа дугаараар холбогдон саналаа өгөх боломжтой. 

Тус зохицуулалтыг хийснээр камерт бүртгэгдсэн тээврийн хэрэгслийн тоо 41, хөдөлгөөн зохицуулалт 40, зам тээврийн осол 31,  замын хөдөлгөөний саад 65 хувиар буурсан үзүүлэлт гарсан байна.