“Google” компани эрэлтээ хангахын тулд Их Британид шинэ дата төв байгуулахаар болов.

“Google” компани эрэлтээ хангахын тулд Их Британид шинэ дата төв байгуулахад нэг тэрбум ам.долларын хөрөнгө оруулалт хийнэ гэж мэдэгдлээ. Энэ нь Их Британийг технологийн салбарт тэргүүлэгч болгохыг зорьж буй тус улсын Ерөнхий сайд Риши Сунакийн Консерватив Засгийн газарт дэмжлэг болох төлөвтэй байна.

“Google” компанийн 2020 онд худалдаж авсан Лондоны хойд хэсэгт орших “Walthem Cross” дахь 33 акр талбайн барилгын ажил эхэлсэн гэж тус компани пүрэв гарагт мэдэгджээ.  

Энэхүү хөрөнгө оруулалт нь Их Британид итгэл хүлээлгэж буйн том шинж тэмдэг гэж тус улсын Сангийн яамны канцлер Жереми Хант Давос хотноо “Bloomberg”-т өгсөн ярилцлагадаа дурдсан байна.