ОХУ-ын Ерөнхийлөгч Владимир Путин ажлын айлчлал, уулзалтуудынхаа үеэр албан бус сурталчилгаа явуулж, Оросын сонгуулийн тухайн хуулийг зөрчсөн байна.

Энэ онд болох ОХУ-ын Ерөнхийлөгчийн сонгуульд Путин нэр дэвшинэ гэдгээ зарласнаас хойш таван долоо хоногийн хугацаа өнгөрлөө.

Түүнийг өөрөө өөрийнхөө нэрийг дэвшүүлсэн, санал хураалтад оролцохын тулд шаардлагатай гарын үсгүүдийг цуглуулсан зэрэг хэд хэдэн зөрчил гаргасныг ажиглагчид хэлжээ.

Москвагийн сөрөг хүчний болон бие даасан хэвлэл мэдээллийн хэрэгслүүдийг хэлмэгдүүлж байгаа нь эдгээр зөрчлийн талаар олон нийтэд мэдээлэх боломжгүй болгож байна хэмээн “Москва Таймс”-д дурдсан байна.

ОХУ-ын Үндсэн хуулийн дагуу 71 настай Путин 2024 онд Ерөнхийлөгчийн суудлаа орхих ёстой байв.

Гэвч 2020 онд Үндсэн хуульд оруулсан нэмэлт, өөрчлөлтийн дараа тэрбээр зургаан жилийн хугацаатай дахин хоёр удаа сонгогдох эрхтэй болсон юм.

Эх сурвалж: The Moscow Times