Иргэд хэрэгцээт зүйлийнхээ мэдээллийг ихэвчлэн цахим орчноос авах болсон. Сүүлийн үед цахим орчинд “Байр орон сууц түрээсэлнэ” гэх зар өгч, иргэдэд үл хөдлөх хөрөнгийн хуурамч гэрчилгээ үзүүлэн  орон сууц түрээслэх гэрээ байгуулж цахим орчин нийтлэгдсэн зар, мэдээллийн зургийг ашиглан зах зээлийн хамгийн хямд үнийг санал болгох замаар хууран мэхэлж байна.

Цагдаагийн байгууллагад 2023 онд цагдаагийн байгууллагад 12985 гэмт хэрэг бүртгэгдсэнээс 629 буюу 4.6 хувь нь "Байр,  орон сууц түрээсэлнэ" гэх зарын дагуу иргэдийг залилсан хэрэг байжээ. 

Иймд иргэд орон сууц, үл хөдлөх хөрөнгө түрээслэх болон худалдан авахдаа хууль ёсны өмчлөгч мөн эсэхийг нь  нягталсны дараа эд хөрөнгө, төлбөрөө шилжүүлэхийг Цагдаагийн байгууллагаас анхааруулж байна.