Хятад улсын хүн ам өнгөрсөн онд 2.08 саяар буурч, 1.409 тэрбум болсон нь хоёр дахь жилдээ дараалан буурч байгаа үзүүлэлт юм.

Сүүлийн 60 гаруй жил өссөөр байсан Хятадын хүн ам 2022 онд анх удаа буурсан бол өнгөрсөн онд 2022 оныхоос ч их хэмжээгээр буурсан байна.

Түүнчлэн өнгөрсөн онд Хятадад есөн сая хүүхэд мэндэлсэн нь 2022 онтой харьцуулахад 550 мянгаар цөөрсөн үзүүлэлт юм. НҮБ урт хугацаандаа буюу 2050 он гэхэд Хятадын хүн ам 109 саяар буурах төлөвтэй байгааг онцолсон.

Хятадад буй 60 ба түүнээс дээш тэтгэврийн насны иргэдийн тоо 2035 он гэхэд 400 сая гаруйд хүрэх төлөвтэй байгаа нь АНУ-ын нийт хүн амаас ч их тоо юм. Одоогоор тэтгэврийн насны 280 сая орчим хүн байна.

Швейцар улсад болж Дэлхийн эдийн засгийн форумын үеэр Хятадын Ерөнхий сайд Ли Цян өнгөрсөн онд улсынх нь эдийн засаг 5.2 хувийн өсөлттэй байсныг дурдаад "Хятадын эдийн засаг тогтвортой ахиц дэвшил гаргаж, гүйцэтгэлийн өсөлт, уналтыг даван туулж чадна.

Цаашлаад дэлхийн хэмжээнд түлхэц үзүүлсээр байх бөгөөд эдийн засгийн урт хугацааны өсөлтийн ерөнхий төлөв өөрчлөгдөхгүй" гэв. 

Эх сурвалж: Reuters