"Tesla" компанийн Гүйцэтгэх захирал Илон Маск компанийнхаа 25 хувийн саналын эрхтэй хувьцааг эзэмшихгүй бол “Tesla”-аас гадуур хиймэл оюуны бүтээгдэхүүн хөгжүүлэхийг илүүд үзнэ гэж “X” платформ дээр онцолсон байна.

Одоогийн байдлаар Илон Маск дэлхийн хамгийн өндөр үнэлгээтэй цахилгаан автомашины компани болох “Tesla”-ийн 12 гаруй хувийг эзэмшдэг буюу хамгийн том хувьцаа эзэмшигч юм.

“Tesla” компани “Optimus”робот хөгжүүлж байгаагаас гадна автомат жолоодлогын системд зориулан машин сургалтын модель сургах зориулалттай “Dojo” супер компьютерын төсөлд нэг тэрбум ам.долларын хөрөнгө оруулалт хийж байгаа юм.