Хохирогчийн гэрт нь нэвтэрч хулгайлан, хүч хэрэглэж дээрэмдсэн хэрэг өнгөрөгч онд гарсан. Хэргийг сануулбал иргэн “Б” нь бусадтай бүлэглэн, ашиг олох зорилгоор урьдчилан нэгдэж 2023 оны наймдугаар сарын 04-ний өдөр Хан-Уул дүүргийн нутаг дэвсгэрт байрлах орон сууцанд зөвшөөрөлгүй нэвтэрч хохирогчийг хулгайлан, түүнд хүч хэрэглэн 98.5 сая төгрөгийг дээрэмдсэн хэргийг Эрүүгийн цагдаагийн албан хаагчид илрүүлсэн. Гэмт хэрэгт холбогдсон гурван этгээдийн хэргийг цагдаагийн байгууллагаас шүүхэд шилжүүлсэн байна. 

Гэмт хэрэгт холбогдсон этгээдүүдийг Эрүүгийн хуулийн 13.2 дугаар зүйлийн 2 дахь хэсгийн 2.3, мөн хуулийн 13.4 дүгээр зүйлийн 4 дэх хэсгийн 4.1, мөн хуулийн 13.6 дугаар зүйлийн 2, мөн хуулийн 17.2 дугаар зүйлийн 3 дахь хэсгийн 3.3-д зааснаар эрүүгийн хэрэг үүсгэж, яллагдагчаар татан мөрдөн шалгах ажиллагаа явуулж, хэргийг шүүхэд шилжүүлэх саналтай прокурорт хүргүүлжээ.