2024 оны нэдүгээр сарын 14-ний өдөр зам талбайн цэвэрлэгээ, үйлчилгээний 24 байгууллагын 799 зам, талбайн үйлчлэгч 138 машин техниктэйгээр ажиллаж байна.
Бүх нийтийн их цэвэрлэгээний хүрээнд зам цэвэрлэгээний байгууллагууд авто замын нуухыг цэвэрлэн, хар цасыг ачиж, явган хүний зам, автобусны буудлыг цэвэрлэн, шүүрдэж, хананаас хана түүвэр цэвэрлэгээг гүйцэтгэлээ.
Халтиргаа гулгаа үүсэх эрсдэлтэй замуудад 18.5 тн давс, 37 тн тусгай зориулалтын бодис, 5 шоо метр дайрга цацав.
Сонгинохайрхан дүүрэг: 8 байгууллага, иргэд, олон нийт, аж ахуйн нэгж, байгууллагуудад нийтийн эзэмшлийн зам талбайн цас, мөс халтиргаа гулгааг шуурхай арилгах, хариуцсан талбайн цэвэрлэгээ үйлчилгээг тогтмолжуулах талаар мэдээ мэдээлэл, уриалга хүргэн ажиллаж байна. Нийт 956,000 ам метр талбайг цэвэрлэж, 48 рейсээр 121 тн хар цас, хогийг ачив.
Баянзүрх дүүрэг: 3 байгууллага авто замын нуух, явган замыг цэвэрлэж, 80,6 тн цасыг 23 удаагийн рейсээр зөөж, тээвэрлэлээ.
Хан-Уул дүүрэг: 7 байгууллага авто болон явган замуудыг цэвэрлэж, халтиргаа гулгаа үүсэх эрсдэлтэй замуудад давс, бодис цацав. Мөн даваа гүвээ, өгсүүр зэрэг халтиргаа гулгаа үүсэх эрсдэлтэй 70 байршилд давс, элс, хайргатай савыг байршууллаа.
Чингэлтэй дүүрэг: 2 байгууллагын 120 ажилтан 13 техник хэрэгсэлтэйгээр авто болон явган замуудыг цэвэрлэв. Бүх нийтийн цэвэрлэгээний хүрээнд 354 иргэн, 476 аж ахуйн нэгж, байгууллагын 785 ажилтан, 55 СӨХ-ны 89 үйлчлэгч нийтийн эзэмшлийн гудамж, талбайн цас мөсийг цэвэрлэлээ.
Баянгол дүүрэг: 4 байгууллага авто болон явган замуудыг цэвэрлэж, байшин хороолол дундах авто зам, гэр хорооллын өгсүүр, уруу, чулуун зам, нийтийн эзэмшлийн гудамжны авто замын цасыг хусан, давс, бодис цацлаа.
Сүхбаатар дүүрэг: Авто болон явган замуудыг цэвэрлэж, хар цас, хогийг тээвэрлэн, давс, бодис цацаж байна.
0
| 
29
Нийтлэлч: Л.Нандинчимэг
| 
