Индонез Улсын нийслэл Жакарта хотод олимпын эрх олгох буудлага спортын Ази тивийн аварга шалгаруулах тэмцээн болж өндөрлөлөө. Энэхүү тэмцээнээс Монголын тамирчид хоёр мөнгөн медаль хүртэж, олимпын хоёр эрх авлаа. Тэмцээний гар бууны 25 метрийн дасгалд Э.Даваахүү мөнгөн медаль хүртсэн бол эмэгтэйчүүдийн урт бууны 50 метрийн багийн төрөлд О.Есүгэн, Ч.Нарантуяа, О.Янжинлхам нар мөнгөн медаль хүртсэн.

“Парис-2024” зуны Олимпын наадамд оролцох эрхийг Э.Даваахүү, Н.Баяраа нар авсан. Буудлагын спортын хувьд  Олимпын эрх олгох сүүлчийн тэмцээн буюу дэлхийн цом ирэх дөрөвдүгээр сард Бразилын Рио Де Жанеро хотод болох юм.