ОХУ-ын бүлэг жуулчид ирэх сарын 9-нөөс Хойд Солонгост дөрөв хоногийн хугацаатай аялахаар болсон нь тус улс цар тахлаас хойш хүлээн авч буй анхны гадаад жуулчид болж байна.

Тодруулбал ковидын цар тахал дэгдэж Хойд Солонгос улс хилийн хатуу чанга дэглэм тогтоосон бөгөөд одоог хүртэл гадаад иргэдийг хүлээн авахгүй байгаа юм.

Орос жуулчдын аяллыг Хойд Солонгостой хиллэдэг Приморийн хязгаарын захирагч өнгөрсөн оны арванхоёрдугаар сард Пхеньянд айлчлах үеэрээ хэлэлцээр хийсний үр дүнд зохион байгуулжээ.

Аялагчид ирэх сарын 9-нөөс дөрөв хоногийн хугацаатай Хойд Солонгост аялах аж.

Цар тахлын өмнөх жил Хойд Солонгосыг зорих Хятадын жуулчид нэмэгдэж, 175 сая ам.долларын орлого оруулсан байна.

Өнгөрсөн оны есдүгээр сард Хойд Солонгосын удирдагч Ким Жон Ун, ОХУ-ын Ерөнхийлөгч Владимир Путин нар уулзаж, улс төр, эдийн засаг, цэргийн салбарт хамтын ажиллагаагаа өргөжүүлнэ хэмээн мэдэгдсэн.

Эх сурвалж: Reuters