NBA-ийн улирлын бүх оддын тоглолтын санал асуулгын хоёр дахь удаагийн дүн гарлаа. Лос Анжелес Лэйкерс багийн довтлогч Леброн Жэймс болон Милуоки Бакс багийн довтлогч Яннис Адетокумбо нар бүсээ тэргүүлсэн байна.

Сүүлийн жилүүдэд бүх оддын тоглолтын формат хамгийн их санал авсан хоёр тоглогч багийн ахлагч болон тоглогч нараас драфт хийх байдлаар явагдаж ирсэн. Энэ жилийн хувьд хуучин буюу өрнөд болон дорнод баг гэсэн форматаар өрсөлдөх юм. Энэ жилийн бүх оддын тоглолт Индианаполис хотын Гэйнбридж Филдхаус-д болно. Индиана хот хоёр дахь удаагаа бүх оддын тоглолтыг зохион байгуулах гэж байна. Хамгийн сүүлд энэ хотод 1985 онд тус хотод бүх оддын тоглолт болж байсан юм.