Чөлөөт бөхийн насанд хүрэгчдийн 2024 оны Улсын Аварга шалгаруулах тэмцээн нэгдүгээр сарын 11-14-ний өдрүүдэд Буянт-Ухаа спортын ордонд болно. Улсын аваргад түрүүлсэн тамирчид ирэх 4-р сард Киргизстан улсын нийслэл Бишкек хотноо болох Азийн аварга шалгаруулах тэмцээнд оролцох эрхээ авна. Тус тэмцээн нь Олимпийн эрх олгох тэмцээн гэдгээрээ онцлогтой юм. 

Улсын аварга шалгаруулах тэмцээний хувьд шинэ технологи  нэвтрүүлэн ажиллахыг зохион байгуулагчид онцолж байгаа. Энэхүү технологи нь Зүүн Азийн Залуучуудын наадамд ашигласан  бичлэгийг удаашруулан дахин магадлах юм. Ордонд байрлуулсан том дэлгэцээр маргаантай барилдааныг дахин удаашруулан үзүүлэх юм. Мөн гарсан шийдвэрийг тайлбарлан олон нийтэд хүргэх юм.