АНУ-ын United Airlines компанийн онгоцнуудад хяналт шалгалт хийхэд хэд хэдэн онгоц асуудалтай байсныг илрүүлсэн байна. Тодруулбал хөлгийн их биед нэмж чангалах шаардлагатай хэд хэдэн суларсан боолт байжээ.  

Энэ сарын 6-нд Alaska Airlines компанийн 737 Мах 9 онгоцны их биеийн нэг хэсэг нь агаарт салж унасан. Үүний дараагаар Boeing 737 онгоцнуудад шалгалт хийхээр олон зуун нислэгийг цуцалсан юм.

АНУ-д нислэг үйлддэг дийлэнх Boeing 737 Max 9 онгоцыг United болон Alaska агаарын тээврийн компаниуд эзэмшдэг тул тэдний онгоцнуудыг нэн түрүүнд шалгасан.

Улмаар United Airlines-ын 200 нислэгийг даваа гарагт цуцалсан бөгөөд цаашид ч нислэгүүд цуцалж магадгүй байгаа аж.

Boeing компанийн 737 Мах онгоцнуудад хэд хэдэн удаа асуудал гарч, агаарын тээврийн түүхэнд хамгийн олон удаа ханалт шалгалтад орсон онгоц болоод байна. 

Энэ сарын 6-нд Портлэнд хотоос хөөрөөд 5000 орчим метрийн өндөрт хүрсний дараа их биеэсээ салж унасан ослын хаалгыг олсон гэдгийг Alaska Airlines-ын ажилчид мэдэгдэв. 

Эх сурвалж: ВВС